黃獎每週評港漫2023.8.11

1、《虎甲人》主編：邱福龍

封面有氣勢，加分！

繼續文戲，氣氛也掌握得好，不過又真係長了一些，例如隼人和拉菲爾的矛盾，如果在特攝片，一個眼神就交到戲，無需要這麽多篇幅。

反而，想看多些「狂獵幫」的其他成員。

出UFO是第三股勢力嗎？咦，莫非又要合作，打共同敵人？

此期評分：4.5

2、《新著龍虎門》主編：鄺彬強

呼延屠龍 打 達摩和平八，如預期般的一面倒，冇驚喜！

等睇小靈變主角，有期待。

下一期，預告了小菊會出場，莫非小靈牽制天下無敵之後，輪到小菊牽制東方無敵？呢條橋，唔易扭喎！

3、《英雄十八》主編：黃玉郎、胡紹權

18仔雖然未出招，但這種「睇唔過眼就出聲」嘅豪氣，好熱血！

數人頭，三家高手+超強龍月生，圍毆大鷹王，強弱懸殊！無論18仔新功夫有幾勁，頂多打低老邪鬼，話佢一個打十個嘅話，講唔通。我估，關鍵在暴龍，要掩飾他放水的破綻，再加上白眉，才有可能走得甩。

此期評分：4.1

4、《一代宗師》主編：龐重輝

四個開打，我估，多數冇結果。關鍵可能在洪熙官與公主身上。

我好少逐格批評，不過，最後這一格，真係嚇一嚇，以為方世玉被打甩咗個頭！扣分！

此期評分：4.0

黃獎 Anthony FB專頁