第二十二章 新秀

第二十二章 新秀

香港漫畫界近年蓬勃得令人乍舌,消費者一年付出逾億元購買形形式式的漫畫刊物。市場大好,回望本行的漫畫家,實力又如何呢?

馬榮成的出現,打破了兩大畫壇大哥幾近壟斷式的局面,神話式的成功,爲全行新秀帶來了曙光初露的感覺,人人皆以馬仔爲榜樣、目標,殺呀!

近年百花齊放,有日同馬仔、老馮傾開,眞嚇了一跳,全行新秀畫手竟有三十餘四十位,他們大多數以「攝」稿形式生存。爲什麼突然湧現大批新秀呢?主因是賣得嘅書佔大部份仍由三、兩位老資格畫手担大旗,單以人所皆知嘅畫壇兩位老大哥計算,合共負責嘅書就有八本之多,七本週刊、一本雙週刊,出書頻繁,當然要揾大批新秀幫忙啦!

以本人所見,可能新一代年青人大都急功近利,故此睇見佔大多數新秀一味以最短時間完成稿件,抄構圖、抄造型已成慣例,更甚者將D日本漫畫短篇故事照搬,印埋人哋嘅公仔,最緊要快快收錢。

其實開初寫畫,模彷吓別人亦無可厚非,但可怕嘅係新一代畫家大多偏埋一邊諗,睇吓重有乜法子可以再偷鷄D,做少D,搶多D錢,再做少D,搶更多眼前錢。

張眼睇睇個市場,已經唔同以前喇,企穩嘅漫畫書已近二十本,好快會飽和,君不見最殺食嘅鬼故書種正面臨銷量下跌之勢咩?當市場完全飽和後,出獨立單行本已是極其艱難,但新秀年年有,咁即係喺有限地盤容讓無限畫手競爭,而他們所爭的,就只是區區幾頁稿嘅篇幅。正面厮殺一經展開,大多數老闆爲求利益及公平,絕對會實行汰弱留強政策,兼且稿費報酬會相應調低,人人搶住要寫嘛。可怕嘅現實來了,多餘嘅新秀會點呢?

咪以爲呢個形勢會慢慢至形成,以近排市場表現,相信以上環境已漸漸成形,新秀主筆們,你們面對洪流的日子來了!

擁有足夠實力的畫手,才可能成爲強者,屹立畫壇,仍然靠呃錢手法寫稿的新秀,難免競爭力弱。

我時常掛在口邊的一句話:「我們還年靑,在漫畫行可不是幹三、五個年頭,要做十數年或以上的!」呃錢呃得幾耐呢?又呃得幾多呢?呃別人不要緊,最可怕是呃自己,明明未夠料,偏不肯面對現實,死話自己已叻過乜水,終有一天,市場會迫你面對現實的啊!

正在加載第二十三章 固步自封
文字
背景
默認
白色
米色
灰色
淺綠
綠色
深藍
黑色
共0章
  1. Loading...