第058章

第058章

「我記得...佢對於用藥有一手,佢冇殺我嘅原因好簡單...」傑夫丸沉憤地吐著每個字:「佢對我注射咗極高劑量嘅鎮定劑就離開,想要我眼白白咁望住自己嘅同伴死......」

「點解佢唔殺你?」我又問。

「佢叫我返去大本營之後講......佢個名叫「滿天」,係嚟報仇。」傑夫丸繼續說。

「睇嚟...你要知嗰個身份嘅人,佢對大本營都幾憎恨。」王達尼搭嘴。

我回憶起,那日滿天在實驗室中跟我說的話:「佢同我講過......自己俾大本營拋棄咗。」

我對傑夫丸續說:「唔該你...。」

此後,我們離開拘留室了。

「唔洗太自責,」我拍拍王達尼背部:「佢本身都有潛在危險性,話唔定係件好事。」

「係嘅......」王達尼點點頭,說:「餓唔餓?去工坊食下嘢,順便拎返你把遮?」

忙了一整天沒東西落肚的我,跟住王達尼去到工坊的休息室。

晚上,裡面亮著舊式的圓燈泡,泛黃的光映射在休息室的木板上,有住懷舊的風格。

平日夜裡寞靜的大本營,在打開工坊休息室後,原來別有洞天,一個小型的社區聯誼派對。

一進去,木結他和拍鼓的聲音就溜入耳窩,歡笑聲、交談聲、起哄聲沒有停過下來。在這裡,他們的食糧除了日常的配給之外,還有工坊主管額外給予的麵餅。

首先用木枝架一個燒爐,下面放些柴火,木枝用繩子與大鐵鍋紮住,再倒些食水進鍋中燒熱,最後把硬邦邦的麵餅放進裡面煮至軟腍腍。

就會煮成,跟一般茶記白水灼淨麵差不多的美食。

王達尼更教我令它味道更上一層樓的辦法:

「唔好心急食住~」他在我的麵上,灑了些香蒜、蔥花。

「食得?」我問。

我要走到沒人的位置快速吃完這碗湯麵才行。

「唔,」王達尼點頭,聞一聞麵香:「得啦。」

我捧住碗麵,走了去角落,稍為打開了鳥嘴面具,然後都不顧灼熱了,暴風般吸入麵條。

「啊嗄...」我有點感嘆:「饑餓果然係最好嘅調味料......」

「Hi,鳥嘴先生!?」我背後傳來愛紗的聲音。

「嗯?」我把面具戴好,才轉身面向她。

「洗唔洗幫你收咗隻碗?」

「唔該。」我把只餘少量汁水的空碗交給她。

「愛紗,幫我收埋~!」一旁的王達尼居然比我還厲害,已經吃第二碗了。

「自己執~」愛紗敲了他的頭一下。

很溫馨。

待大家吃得光麵餅後,由小木板疊鋪成了小站台就站住了幾個人,開始領唱住一首歌,似曾相識的粵語歌。

「今天我~寒夜裡看雪飄過~懷著冷卻了的心窩漂遠方~風雨裏追趕~霧裡分不清影蹤~」

「佢哋唱緊...?」我就是記不起歌的名字。

「《海闊天空》啊~你唔係未聽過啊?哈哈...又係嘅......你都唔似係嗰個年代嘅人。」王達尼一說,我才驀覺這裡的人都比較年長,至少沒有學堂那群毛也沒長齊的孩子。

「今日嗰個人其實係邊個嚟?」愛紗走過來搭話,坐下:「定係阿尼你又偷人嘢啊?」

「冇啊~我點會偷人嘢。」王達尼被叫做「阿尼」,總是有種怪怪的感覺。

不過現在看起來,

他們二人沒有早上見面時的生硬。

可能早上工作倉猝認真的氣氛,不及現在快樂歡愉的環境要放鬆吧。

「點知你啊呀~江山易改,本性難移。」愛紗說。

「努力改緊,呢家從商。」王達尼淺淡地笑了聲:「最緊大本營有乜嘢係特別缺乏?」

「你咁叻,自己留意下。」愛紗亦輕微地揚起嘴角。

「但我點夠你醒,你係生活王嚟~」王達尼摸摸褲袋,從裡面取了根煙,站起往出面離去:「出去食枝煙先。」

愛紗搖一搖頭:「小心生癌~」

王達尼離開後,我就尷尬了,一個朋友也沒有,還要穿住大黑袍和戴住面具,誰會想跟這種人認識。

「鳥嘴先生...我留意咗好耐。」愛紗凝望我雙目,說:「你呢件衫同造型,都係出自歐洲嘅鳥嘴醫生主題?」

「好似係......」我回答。

她略略地用手指掃過我的袍袖,與仔細深視住面具:「好貴......你呢一身裝扮超唔超過二百萬?無論物料...定係設計......都稱得上完美。」

「應該有...」我記得Dr.D好像用不知多少歐元在拍賣會投得。

「你小心阿尼偷咗你件衫啊~」她開玩笑地瞇眼、展笑:「佢手腳好唔乾淨。」

「點解咁講?」

「你唔知佢以前係......」

「佢係...?」我不明所以地問。

「既然你唔知,就唔講啦。」愛紗寬容一笑,說:「總以為你哋係朋友,佢會講你聽添。」

「今日原本有個機會聽,不過佢要我講先。」

「喔~原來係咁。」

「我想聽...佢以前到底係咩人。」對於王達尼,我們看似熟識,卻對雙方的背景一無所知。

我把一顆果汁糖,放到桌上給她。

「唔...唔洗啊......太...太誇張啦你...!」愛紗馬上揮著雙手,拒絕我的好意。

「收下吧,今日我都要多謝你,先知道一啲事情嘅線索。」就當是,木雕的工資吧。

「你認真嘛?唔係講笑......?」愛紗再問。

「一言既出,」我說。

「好,駟馬難追。」愛紗點頭,收下我的果汁糖。

「所以,王達尼以前係一位點嘅人?」

「雖然阿尼都唔介意人哋知,不過你聽完之後...都唔好覺得佢係壞人。」愛紗說。

我答:「當然,佢喺大本營入面都幫我解過唔小心圍。」然後,愛紗就跟我說了王達尼以前的事,世界還未病變前的事。

原來,王達尼以前是一名金融白領。

後來因為從事經濟犯罪,而被警方拘捕。

一無所有的他,出獄以後不久,世界就發生病變的事。不知該何去何從的他,有日進了入大本營並餓得要死,合巧見到他的愛紗便分了些饅頭給他。

打後,二人就開始熟絡了。

即是說,愛紗和王達尼的關係沒我想像中的尷尬,一早就已經是交心好友了。

正好,愛紗亦是從外國修讀完史丹佛大學商科回來的畢業生,一個經濟罪犯與商科天女不謀而合,一拍即合。

於是,往大本營中,

愛紗就成為了C橦工坊的「生活王」,對一切物料進出、使用、分配至製作都精準非常,生活的專頁技能幾乎十通九精。

而王達尼則成為了大本營著名的「黑商」,雖然價格遠比一般市集賣的要貴,可是物品總是十分附合當時的需求。

所以這一場世界的「病變」,到底令多少原本不認識的人...

聚集起來,

變至認識呢?

我覺得,一切都是緣份。

「呵欠~返嚟。」抽完煙回來的王達尼,精神一振:「精神哂。」


正在加載第059章
文字
背景
默認
白色
米色
灰色
淺綠
綠色
深藍
黑色
共0章
  1. Loading...