第040章

第040章

市集如同以前多人,比起以前貨品的種類更多了些,記得上次來的時候,有些店主已經懂得混合物品來製作武器,現在看來更懂得如何打磨精銳的武器。

看來,這些商人,每天也在進步。

「周圍睇下,我幫你哋評價實用性。」我想讓他們試一下自己籌備裝備。

「嘻!呢到......」一米六阿阿文先跑到一個攤位,拾起上面的萬用軍刀:「靚嘢,德國製。」

「攻擊距離太短,用呢種武器攻擊病者簡直同自殺冇分別。」我對阿文說。

「武器嘅錢係咪你出先~」Chirs不屑地問。

「咁當然。」我答。

「咁我要呢把~」Chirs走到一間阿婆的攤店外,拾起一枝用鐵管與鐵塊打磨得精銳的長矛。

「你都傻唔哂,揀武器有一手。」我走過去,把一點食物拿出:「老闆,埋單。」

「老師!我同奧迪要呢樣。」阿文拾起了根雙節棍。

「放番低。」我盯住他。

「喔...」阿文尷尬地放下雙節棍,又拿起了另一樣武器:「咁釘槍呢?」

「呢樣......」我想了想,點頭:「不過你記住要補釘。」

「咁我要開山刀......」奧迪說。

「阿文,你最好有啲成績...」我走過去付帳時,提醒他:「你枝釘槍好貴。」

「喔......」拿住釘槍的阿文不好意思地答。

然後,我走到不習慣樓下一切事物的兩兄妹旁:「公仔,娃娃,你兩個揀咗未?」

「老師...其實我哋,唔知要揀咩亦都唔想...去。」身為哥哥的公仔主動說。

「我...我真係好驚出去啊,我唔知出到去會點啊......」娃娃也一副欲哭無淚的樣子。

「避唔到,就面對。」我不自覺對他們兩人說起教來:「淺易嘅道理。」

「但係明明...你可以唔叫我哋出去...」娃娃又說。

「出去一次,信我。」我望住娃娃明亮的眼眸,說:「好有用,猶其係你哋一家。」

「點解...係我哋?」公仔問。

「因為你哋......」我低一低頭,再望住他們答:「要學識獨立,我諗你兩個平時好多嘢都唔洗做,人生亦都過得好順利,不過你哋要知道...再絕望嘅情況,要起到身,就只可以靠自己。」

「...」公仔和娃娃都不約異同地微微的點頭。

「嘖~特別照顧有錢人仔女。」Chirs在一旁冷諷。

「娃娃,你就拎急救包,仲記得大舊教你嘅急救堂?」我索性為他們兩兄妹分配物品。

娃娃點頭。

「公仔,你拎電筒,到時幫佢哋喺入面照路。」

公仔點頭。

「咦,小六去咗邊?」阿文突然問起,果見瑜小六不見蹤影了。

我在市集周圍找了一次,也不見瑜小六的身影,直至去到近北門位置的地方,我才望得見她站了在一個小型垃圾場前,裡面就是王達尼的店子。

不過太陽還未西沉,他應該暫時未開店,或是出外去了。

「瑜小六,你嚟呢到做乜。」我走過去問。

「買嘢武器啊。」瑜小六抱住手,等待著。

「點解...嚟依到。」

「聽人講過話呢......到有一個商人係專賣稀有神秘嘅嘢,我想睇下係唔係真,如果係真就買。」

「我幫你認證,係真,而且好貴。」我斜瞧了她一眼,說:「所以,走。」

突然!小型垃圾場的鐵捲門被人緩緩地拉起,裡面傳出熟識的滄桑男聲。

「你一句我一句~一大早咁鬼嘈...」是王達尼。

「咦......乜係你。」王達尼望見是我,便笑了笑。

我點頭示好。

「咦...仲有位高高哋嘅靚女喎...」王達尼望向瑜小六,問:「有咩幫到你?」

「我想買嘢。」瑜小六答:「買武器。」

「喔...武器啊,我最近喺出面搜到啲新嘢幾啱你用。」王達尼揚起嘴角,走去把垃圾車打開,在裡面取了個圓型的鐵製盾牌出來:「點啊,型呢?」

「實用性呢?」瑜小六問。

「你拎住。」王達尼把圓盾交給小六。

小六傻傻地接過,然後王達尼另外取了把精銳的短劍出來,往小六手上的圓盾一砍!

「鏗!」的一聲,幾乎把人震耳欲鳴。

只要在室內,回音肯定更大。

小六跟我,也一起被它愣住了。

「你帶咗啲咩返嚟......」我問。

「唔知~」王達尼取根煙出來,開始抽著:「冇耐前...喺出前一間古董店入面執返嚟,睇落似係用真材實料,真鋼。」

「咁應該好重,唔啱你用。」我對小六說。

「唔係啊...幾啱啊。」瑜小六一手握圓盾,另一手握短劍,十足個古代戰士一樣。

「買吧~反正我留嚟冇用。」王達尼笑住說。

「你生活幾時變到咁奢侈......」我望住王達尼垃圾場入面的大床、軟沙發、隨桌而放的罐頭食物。

「不嬲。」王達尼計算一下劍盾的價值:「我會賣幾貴下。」

「最多一粒糖。」我不得不承認,這劍和盾的確厲害。

「兩粒~」


正在加載第041章
文字
背景
默認
白色
米色
灰色
淺綠
綠色
深藍
黑色
共0章
  1. Loading...