第070章

第070章

泉叔依一句就快,快足六十分鐘後先出現。

「喂,沅彤!聽唔聽到。」泉叔嘅聲音再次喺對講機傳出。

「你到啦?」原本昏昏欲睡嘅沅彤立即醒咗。

「好似到咗個門口,係咪有木板圍住嗰到?」泉叔問。

「係,但你小心入嚟,唔知佢哋有冇守喺一啲位。」

「收到。」可以聽到,泉叔為槍上膛嘅聲。

「你就位通知我。」沅彤拍拍手,提醒我哋:「泉叔差唔多準備好。」

宋文德雖然同我都企咗起身,但佢仍然入神喺歌詞之中。

「沅彤,你仲有咩法寶未拎出嚟?」我說。

「都冇乜。」依家佢手上,得返一把摺疊刀:「但泉叔有槍,應該可以拖住幾件。」

一說泉叔,泉叔就到。

「已經就位,外面見唔到有人,但聽到間教堂仔......入面好似好嘈,有敲嘢聲。」泉叔會報。

「佢哋仲喺上面努力咁爆地。」沅彤仰頭、冷笑。

「我會用燃燒彈,會唔會傷到你哋。」泉叔說。

「唔會,我哋嘅位置好安全。」沅彤答。

「咁我準備就緒......」

上去前,我提一提醒宋文德:「你一陣企我後面,你無武器喺手。」

「嗯。」

「你哋有錶嫁嘛?秒針搭正十二就郁手。」泉叔通知我哋。

我哋無點出聲,但都知道大家好緊張。

喺搭秒針正十二之前,宋文德預早十秒扭動標誌機關。

咁樣一上去,就可以同泉叔投入作戰。

「冰!!蓬~~~!!!」已經聽到上面傳嚟焚燒嘅聲音,繼而係信徒們嘅大叫。

「呯!」再之後,就係泉叔開嘅一槍。

「呀啊啊啊!!!!」信徒們好似大亂陣腳。

「呯!」泉叔又開一槍。

泉叔開到第四槍嗰陣,我哋三個已經上到去,納入眼內嘅第一個畫面就係有兩個被火燒到焦爛、脫皮嘅信徒,伏喺地上呻吟。

而其餘嘅,就衝咗去禮拜堂門口攻擊泉叔。

「沅彤!」我叫住佢。

我拎住八赤刀,同沅彤一齊跑到班信徒背後,喺後面同泉叔一齊夾攻佢哋!首次最近嘅一個,俾我喺背脊上深深斬咗兩刀,濺出留下一條交叉嘅血痕。

「啊呀呀!!」嗰名信徒痛到立即縮背。

戴咗幽靈面罩嘅沅彤,就衝到身形最大份嘅信徒後面一下死死騎住佢,再用摺疊刀不斷往佢頸側刺插!!

「嗖嗖!!嗖嗖!!」就好似幫佢喺條頸開洞咁,對方每被插一刀就濺出一條血花。

嗰名被沅彤盯上嘅信徒好快就企唔穩,訓低咗落地。見後都有敵人嘅信徒,諗住攻擊埋後面嘅我哋,其中拎住開山刀嘅信徒,毫不猶豫向沅彤斬過去。

沅彤好流暢咁使出旋腳,恰好時機將對方嘅攻擊卸走,再一腳踢落對方胸膛身上。

喺我斬傷第一個信徒後,繼續向眼前信徒快斬。

唔求斬得深,只求斬到佢哋無力還擊。

「呯!」有個不顧一切撲過去泉叔身上嘅信徒,俾佢一槍爆頭。

呢一下震撼到其他信徒。

「全部爬低!」泉叔大喝。

仲有約五個,連同教育營導師在內嘅信徒,開始被震懾到,再無剛才瘋狂嘅攻勢。

就喺教育營導師慢慢舉高雙手,好似示意投降嗰陣,佢講咗句:「分頭走嘿嘿!」五個教徒立即四處跑,個導師更係拎住小刀衝去宋文德前面......


敬請期待更新…
文字
背景
默認
白色
米色
灰色
淺綠
綠色
深藍
黑色
共0章
  1. Loading...