第034章

第034章

「你哋有冇睇過佢手機?」宋文德問。
「有,因為同一般廢老一樣,佢手機係無較密碼,不過唔見有咩特別線索。」
「咁又係,咁隱密嘅組織,一定會以書信方式傳達比較私隱嘅訊息。」宋文德推斷。

「重生會有冇咩資訊係公開?」佢又問。
「有個咩都無嘅網頁。」我答。
「咩都無?」
「一打開個網只係得背景圖,同幾隻字。」
宋文德一聽,即刻用手機搜尋,入到去嗰個設計粗糙嘅網頁。
「真係整幾隨便,但越係求其就越令人懷疑......」宋文德轉用譚國源部手機,上重生會網頁:「都一樣。」
「唔通會唔一樣?」
「如果佢開過個網站嘅話,可能會留低上一次紀錄,話唔定重生會網頁係特定嘅會員先入到。」
「我突然間諗起啲嘢。」
「係?」
「我女朋友老豆又係有癌症嗰啲人,我都係最近先知。我諗緊......佢到底係咪同譚國源一樣,都俾邪教利用,既然重生會......會喺醫院門口搵目標成為信徒,咁佢哋一家都可能遇過。」
「所以「我突然間諗起啲嘢。」
「係?」
「我女朋友老豆又係有癌症嗰啲人,我都係最近先知。我諗緊......佢到底係咪同譚國源一樣,都俾邪教利用,既然重生會......會喺醫院門口搵目標成為信徒,咁佢哋一家都可能遇過。」
「所以...」
「而佢爸爸,都算係個幾鐘意上網嘅人,話唔定佢屋企部電腦有留痕跡。」

因為我呢下靈機一觸,我決定動身前往Chloe屋企。
鎖匙喺上次去嗰陣已經拎埋,所以一路無阻順利去到佢屋企。我用Chloe爸爸平時用開放喺廳嗰部電腦,以前去佢屋企嗰陣,佢大部份時間都係喺電腦到睇馬。
雖然機會微乎其微,但我都照樣輸入搜尋「重生會」,因為直覺話我聽,如果能夠揭開重生會嘅網站內容,應該可以知道唔少事情。
入到網頁,依然喺以太陽藍天作為背景......
但係,原本綠油油嘅一片草地,已經變成一朵朵貌似彼岸花嘅植物,就似鮮血染滿大地咁。
最重要嘅係,終於見到「出生、再生、重生」以外嘅字!網頁多咗類似公告欄咁嘅東西,入面公佈「重生會」唔同日子嘅義工活動......舉辦日期同地點?
除咗義工活動之外,仲有其他同樂活動嘅詳情。
呢個線索實在太難搵,如果唔係宋文德提我,互聯網會慣咁將上次登入紀錄留低,我都可能唔會搵到宜步......
從網頁上睇,最新一個公告係前日發佈。

──家庭日──

家人應恆常見面。「重生會」作為信徒的溫暖避風塘,將於四月十四日舉辦一場家庭相聚日。

我們除了會與你渡過人生路上的難題,更能攜你前往「樂園」享受永永遠遠的快樂。

我們是你的家人,重生會。

時間:四月十四日,早上八時
地點:龍尾村公所等候

知道呢件事之後,我立即通知俾宋文德同泉叔知,事關舉辦時間就喺兩日之後,非常之急。
宋文德好快就同意過去,而泉叔就顯得比較無所謂。
如果問我,我係會選擇去,因為經過鎖羅盆嘅事後,我更加確信兔子人同重生會嘅某種聯繫......
我查完網站之後,都唔敢喺Chloe屋企留太耐。
可能有陰影,呢個地方就算日光日白,我都總係覺得有某樣嘢,係背後監視住我咁。
咁樣一來一回,又用我差唔多半日,我幫佢兩買埋飯先上屋。可能宋德文攰咗成兩日,上返去嗰陣佢已經訓著咗,全屋內淨低泉叔一個係清醒。
「阿政,琴晚發生咩事?」食飯嗰陣,我都知泉叔會問起。
所以我都一邊食一邊講,去到某啲特別驚慌位,例如地震、好多隻兔人、見到邪教之類,泉叔都無比出好訝異嘅表情,只係點點頭。


正在加載第035章
文字
背景
默認
白色
米色
灰色
淺綠
綠色
深藍
黑色
共0章
  1. Loading...