第006章

第006章

琴晚太黑睇唔清外面環境,宜家一出去先發現原來呢到四面環林,生長咗唔少松木樹,提供人車出去市區嘅只有一條被開通過嘅泥路。
「呢到係咩位置......」我好奇一問。
「西貢南山洞某個位。」
「聽都未聽過......」
「無聽過就最好。」泉叔舉起佢枝槍,說:「呢把,叫M700P,用佢嚟對付兔子人唔足夠,仲要配合埋銀子彈去用,不過子彈唔多,得返最後三粒。」
「咁就對付到佢哋?」
「你就想,只可以擊退佢哋一陣。」
「泉叔你以前都遇過兔子人?」
「嗯。」泉叔雙手叉腰,似乎唔想談論自己:「如無意外,你女朋友同佢全家都應該變成咗「復活蛋」,救得返嘅機會已經好小,但你仲可以救自己。」

「你意思係...我女朋友全家變咗隻蛋......?」昨晚嘅畫面,就如潮水般湧現。
包括,
我坐爆咗Chloe細佬間房嘅蛋。
諗到呢到,我全身已經不其然咁顫......
「可以咁講...不過有個專業嘅叫法,叫做「復活蛋」。」泉叔留意到我臉色唔妥:「做咩臉青青咁,你唔好同我講你口癢食咗啲蛋啊?」
「無...不過我...不過我......」
如果講出嚟,咁同我承認殺人,殺自己女朋友親人有咩分別......
「定你唔小心,整爛咗「復活蛋」?」泉叔試圖猜測。
「係......」我好辛苦先吐出到呢隻字。
「幾多隻。」
「一隻...我...隻蛋上面嘅樣,係我女朋友細佬......」
泉叔沉默咗一陣:「唔係你嘅錯,將呢股憤怒放喺兔子人身上。」

「咁係咩意思!?救唔返!?」
「要我再講白啲?係,救唔返。」泉叔指住我心口位,戳咗幾下:「但你仲有機會救其他人,同你自己。」
經過呢一次,我心靈受咗好大重創。
每次諗起嗰下「咔嚓」嘅殼碎聲,就會想搵個安全嘅角落自閉。情況持續咗好幾日,直到某日,泉叔話要出去買啲日用品,叫我留喺鐵皮屋,唔好亂出去。
一旦無人存在喺同一個空間,人嘅腦袋就會開始亂諗嘢,而罪惡感亦會慢慢爬上脊椎,呢個時候哪怕係一點聲音都會驚嚇到自己。
可能泉叔明白,所以走之前特登開咗部舊式播音機俾我聽。入面播住嘅係Tear Ducks嘅《Between the Lines》,的確令我有分散注意力嘅功效......
直到屋內一聲巨響。
「呯!!」

呢一響,令到沉醉喺音樂嘅我回神過嚟。
「呯呯!」
又響。
係兔子人!?
我個心出現兩種掙扎,一種係當聽唔到咩事發生,繼續匿喺間房入面。
另一種,係出去同兔子人死過,咁樣做會令我意外殺死細佬嘅罪惡感減少。
所以我毫不猶豫,選擇咗後者。
我小心翼翼咁行出間房,向聲音來源靠近。
「呯!」
聽落...唔係外面傳入嚟。
而係鐵皮屋內發出。

我將耳朵貼近地面,聽得出聲音來源係地面下......
「點解下面會響...」我腦內浮現咗一個想法,就係地下室。
印象中,琴晚都發生過類似聲響,不過泉叔好似好快解決咗。

正在加載第007章
文字
背景
默認
白色
米色
灰色
淺綠
綠色
深藍
黑色
共0章
  1. Loading...